تجربتي مع الآيلتس
المهندس حازم رفيق اسكور 8
اسكور (8) L=8.5 R=9 S=7 W=7.5
كنت دايما بشوف تجارب لناس هنا علي الجروب ومكنتش متخيل ان ممكن يجيي يوم واكون انا بكتب تجربتي في الايلتس واعزروني شوية لو هتبقي طويلة بكتبها لاني شخصيا استفدت من تجارب التانية اللي قريتها علي الجروب. استفدت نفسيا اني اقدر اجيب الاسكور اللي محتاجه واستفدت من النصايح اللي الناس كانت بتقولها واحب هنا اشكر كل واحد كتب تجربة او نصيحة. طيب ندخل في الموضوع.
هتكلم في الاول عن الموضوع عموما وبعدين هتكلم عن كل قسم لوحده بكل تفاصيله من
تحضير و ملاحظات شخصية.
ملاحظة هامة جدا جدا:
انا مش محترف IELTS وكل اللي هكتبه تحت ده تجربة شخصية ممكن تنفع حد وحد تاني لا ومكن تكون غلط اساسا فاستحملوني.
Background:
من صغري وانا بحب الانجلش ومستوايا الحمد لله ممكن اقول متوسط او فوق المتوسط. شغال في ال IT وكل تعاملاتي في الشغل بالانجلش في اخر 8 سنين وان كان غالبا لغة اي
شغل محدودة بالمجال نفسه.
طيب نبدا نفصل بقا:-
Preparations :
بدات اشتغل علي الموضوع من نص فبراير ل نهاية مارس تقريبا في الفترة دي حضرت كورس
مع Ms Sara Hassanein في الWriting and Speaking و هتكلم بالتفصيل عن الكورس
في كل سكشن منهم وازاي مدام سارة ساعدتني و استفدت ايه من الكورسات. الفترة اللي فاتت دي غالبا
مكنش فيها مذاكرة كتير كان بمعدل ساعتين في اليوم. خدت بريك لحد تقريبا نص يوليو و
قررت اني ادخل الامتحان في اول اغسطس وقد كان 3 .اسابيع تجهيز للامتحان بس بمعدل ساعات اعلي يعني 3 او 4 ساعات في ايام
الاسبوع و ممكن لحد 6 في الويك اند. يعني
اقدر اقول ان التجهيز اخد بتاع شهرين كده .ندخل في التفاصيل زيادة ونتكلم عن كل قسم لواحده.
Listening :
كنت محتاج 8 زي ما قلت وانا الحمد لله اصلا زي ماقلت مستوايا كويس و بسمع وبقدر
افهم الكلام والموضوع من قبل الايلتيس اني بحب اتفرج علي الافلام بدون ترجمة خالص
او بترجمة انجلش و اتوقع الموضوع ده فرق معايا كتير. طريقي من البيت للشغل طويل شويتين بسمع في العربية بقا اي انجلش
يجيي قدامي مفيش حاجة معينة.
حليت امتحانات Cambridge حوالي 15 امتحان من 8 ل 13 وكنت بسجل كل درجة اجيبها في شيت طبعا الامتحان لازم يكون مطبوع او من الكتاب نفسه لان لازم تقعد تشخبط وتعلم بالقلم وانت بتسمع. كنت دايما بحسب متوسط النتيجة بتاع الامتحانات اللي حلتها واقارنها بالتارجت ولما المتوسط وصل 8.5 ولقيت انه بدا يثبت قولت كده تمام وبطلت مذاكرة وده تقريبا كان قبل الامتحان ب 10 ايام .كتبت في الامتحان كله Capital مكنش عندي استعداد اني اخسر اجابة لمجرد حرف Capital او Small مع اني عارف امتي ده وامتي ده بس Why taking such a risk .
الاستراتيجية كالاتي:
ببدأ ب section 3 بمعني اول ما افتح الشيت ابص علي اسئلة السكشن ده واحط خط تحت ال key words وهقول ليه كنت ببدأ بالسكشن ده بالذات, وبعدين اول مايخلص عندك وقت تشوف اسئلةsection 1 اجري اروح اشوف اسئلتة اللي غالبا بتكون بسيطة احط خط تحت الكلام المهم واسمع وبعدين الجزء التاني في سكشن واحد واول ما يخلص section 1 بيقول معاك نص دقيقة تراجع اجاباتك سيبك وارجع تاني ل 3 لو لسه مخلصتوش اول مره وبعدين ادخل علي 2 هتوصل ل 3 وانت فاهم وعارف انت عايز ايه وبعدين 4 وهكذا.
طيب انا مع حل الامتحانات كنت بحلل اخطائي واحاول اعرف ايه مشاكلي وده حاجة مهمة جدا جدا جدا …….. للصبح. فكان عندي شوية مشاكل واضحة اهمها section 3 اسئلة الاختيارات بتاعة طويلة و اوقات بيجي فيه matching وشغل تقيل فالحركة اللي فوق دي ساعدتني كتير اوي الصراحة وانا كنت شفتها حد كاتبها في الجروب بس طبعا لازم تتدرب عليها كويس عشان مبتوظش الدنيا. كان عندي مشكلة في موضوع ال maps و لما يقول spelling بتاع اسم او شارع واوقات الارقام بس بسيطة انت مجرد ما عرفت مشكلتك ركز عليها واعرف بالظبط غلطت فيها ليه و اقري الscript اللي مع الكتب او روح اسمع تاني الحتة دي وحللها وهتبقي الامور بسيطة ان شاء الله. حاول تتعلم تفضل مركز لنص ساعة زي الامتحان بالظبط بمعني حط نفسك في ظروف الامتحان , انا في اخر اسبوع مثلا كنت بعملsimulation كامل للامتحان Listening هوب Reading هوبWriting back to back علي طول ده هيعودك تحافظ علي تركيزك طول وقت الامتحان. طبعا مش هقول ان الموضوع كله تقريبا معتمد في الاخر علي الsynonyms ومدي معرفتك باللغة ككل.
Reading
كنت محتاج 7 و مفاجئة بصراحة ليا اني جبت 9 .نفس اللي كنت بعمله مع ال Listening بخصوص حل الامتحانات غالبا كنت بحل واحد استماع وواحد قراءة مرة واحدة.
اقرا اي حاجة تقع قدامك بالانجلش خبر علي فيس بوك واحد عاملة شير من صحيفة انجليزي ادخل اقراه الكلمة اللي متعرفهاش اكتبها واعرف معناها مكنتش حاطط خطة معينة للقراية. كنت اوقات كتير بحل Academic لان بحسة اصعب من الGeneral مجرد احساس مش حقيقة ولا حاجة كتبت في الامتحان كله Capital مكنش عندي استعداد اني اخسر اجابة لمجرد حرف Capital او Small مع اني عارف امتي ده وامتي ده بس Why taking such a risk
الاستراتيجية :
مفيش حاجة اسمها اقرا القطعة بدخل علي طول ع الاسئلة و احدد الكلمات المهمة وادخل
علي القطع احاول الاقي مترادفتها واربطها بالاسئلة عموما دي حاجة اتوقع الناس كلها
عارفاها.
نيجي للمهم
True , False , Not Given
ببساطة True الحاجة اللي مكتوبة في السؤال بدون شك وقطعيا القطعة بتاكدها بغض النظر عن خبراتك او معلوماتك او تخميناتك الشخصية. False عكس اللي فوق القطعة بتنفي السؤال تمام بما لايدع مجالا للشك بغض النظر عن خبراتك او معلوماتك او تخميناتك او ارائك الشخصية.
نيجي بقي للمشكلة Not Given وهي tricky شويه برضه بس الفكرة انك متقدرش تجزم بصحتها او خطأها بناءا علي القطعة بغض النظر عن خبراتك او معلوماتك او تخميناتك او ارائك الشخصية.
Match Heading:
بصراحة كان من اصعب الاسئلة بالنسبالي هو و اقرانة زي اي قطهة بتقول الكلام ده والحاجات دي لاني غالبا كنت بضطر اقرا القطع قراية سريعة احدد الكلمات المهمة وبعدين اخد قرار اللي كنت ببقي متاكد منه بشيله من حساباتي و فيه كنت ببقي شاكك في كذا اختيار بعلم عليهم و لما اخلص ببدأ مرحلة التصفيات واقارن بين الاختيارت المتاحة و هكذا.
لازم وضروري تتعود تحل في نفس وقت الامتحان لو خلص الوقت سيب القلم والاسئلة اللي محلتهاش حلها بس متحسبهاش في الاسكور بتاعك.
Speaking :
كان اقل قسم خايف منه لاني زي ماقلت بتكلم من زمان ونطقي كويس جدا طبعا ده مش رايي في نفسي ده راي مدام سارة حسانين اللي اخدت معاها الكورس وانا اخدت الكورس الحقيقة في التحدث والكتابة بس لان دول بالذات انت مش هتقدر تحدد مشاكلك فيهم بنفسك لازم حد experienced وعارف هو بيعمل ايه زي مدام سارة ودي مش مجاملة الحقيقة ده رايي الشخصي.
كان عندي كذا مشكلة زيان مثلا بعض اخطاء ال Grammarوخصوصا في subject verb agreement وال Vocabulary وده بصراحة محتاج وقت وشغل كتير عشان احسنه انا باللي عندي كنت متاكد ان شاء الله انه يخليني اجيب 7 كويس فمكنش عندي استعداد اني احط فيه مجهود كبير وانا مش محتاج كده.
7 الصراحة حاسس انها قليلة علي مستوايا ( مجرد احساس برضه ) لاني شايف اني عملت كويس في الامتحان بس بصراحه انا
كنتش محتاج اكتر من كده و It is not worthy going for remarkingالصراحة بالنسبالي.
احب اشكر برضه صديقي احمد جمال اللي متطوعا كان بيجي يعملSimulation للامتحان وهو اصلا مخلص ايلتس من زمان.
Writing :
ليفل الوحش واللي اتوقع كله مستني يشوف تجربتي فيه. الحمد لله كنت محتاج 7 وجبت 7.5
طيب ال Writing و ال Speaking زي ما قلت انت محتاج حد يقولك مشاكلك وده اللي انا عملته لما اخدت الكورس مع مدام
سارة تقريبا اكتر من 8 او 10 Essays بيتعملهم تصحيح من كتابة حضرتك وبتاخد اسكور فيهم مع الشرح انت ليه خدت كده اول ما بدات معاها كان 5, 5.5, 6 والموضع كان محبط اوي الصراحة مانا فاهم نفسي fit انجليزي محصلش بس هي شجعتني وقالتلي انت يجي منك احسن بس حل مشاكلك. بيبقي صعب اوي تعترف ان عندك مشاكل واغلب الناس يقولك اصل هيا سبوبة بالنسبالهم وهو عايزك تدخل الامتحان مره وعشرة والكلام اللي للاسف بنضحك بيه علي نفسنا وده غالبا مش بعمم لان فيه حالات مثلا بتطلب اعاده تصحيح وبتاخد درجات.
طيب كان ايه مشاكلي:
نفس مشكلتين ال Speaking بتاع ال Vocab ودي برضه مهتمتش بيها اوي ( ناس كتير مستغربة( ومشكلة ال Subject verb agreement ودي اشتغلت عليها.
وكان عندي مشكلة في task response هشرحها بالتفصيل. ومشكلة كبيرة في ال Spelling بسبب ان شغلي ع الكمبيوتر معظم الوقت والله يحرقة بيعمل Auto correct . طيب اهم حاجة في رايي في ال writing انك تعرف ايه المطلوب منك بالظبط عشان تجيب الدرجة اللي انت عايزها و ال band descriptors لازم تفهمهم كويس جدا جدا جدا.
Task response :
لازم تحدد نوع السؤال اول حاجة. حط
خط تحت الكلمات المهمة ولازم تتكلم عنهم في كتابتك او تشير ليهم.
حط رايك لما يتطلب منك في المقدمة و الخاتمة و كلامك في النص يكون متماشي مع الراي
ده يعني ميكونش رايك حاجة وكلامك حاجة تانية.
Vocabulary :
صدقني من هنا لبكره وده رأي شخصي برضه والله ما كتبت كلمة واحدة من اللي بعض الناس بتفتكرهم fancy و complex وadvanced وكده كله كلام عادي خالص وانا متاكد ان فيه ناس كتير لو هي اللي هتصححلي هتقول ده بالكتير 6 بس ده اللي حصل تقريبا بعض الناس هيا اللي بتعقد نفسها ع الفاضي.
C&C:
لازم تفهم ان والمصحح بيقرا اللي كتبته وبيصححه مش هيجي يقولك انت تقصد ايه هنا.
اكتب كانك بتشرح لواحد غبي ميعرفش حرف عن الموضوع ده هتقول جملة حط وراها جملة
تشرحها سواء مثال او جملة تدعمها ولازم كله يبقي بيرجع للنقطة الام topic sentence ودي مهمة جدا جدا جدا .
لازم يحس وهو بيقرا ان الكلام مترابط وبيكمل بعضه مش حد بيرص معلومات وخلاص. استخدم
connectors و الحاجات اللي بتلاقيها في الكتب مهمة جدا.
Grammar :
ودي بقا مهمة جدا لان ببساطة شرط اساسي مثلا لل 7 انك يكون عندك 50% من الجمل
مفيهاش اخطاء جرامر. ال punctuation مهم جدا غلطه منه بتبوظلك
جملة كاملة في الشرط اللي فوق. استخدم complex sentences بس مش اوفر اوي خلي
كتابتك تتنفس .
طبعا كل اللي قولته فوق ده لازم حد متخصص يقولك انت عامل ايه فيهم لانك لو محدش
قالك هتفضل متخيل زي مانا كنت في الاول متخيل اني جامد لدرجة اني عايز اعترفلكوا
بسر.
مدام سارة بتعمل اختبار تحديد مشتوي في الاول ف ادتني سؤال وقالت اكتبلي essay وانا طبعا عملت واحد من وجهه نظري جامد فلما صححته قالتلي اسكوري 5.5 طبعا انا قولت ان هي بتعمل كده عشان عايزاني ادخل الكورس معاها وخلاص وانا احسن من كده بس مش هتصدفوا قريت اللي كتبته وحسيت اد ايه هو تافه وميتاهلش اكتر من كده.
كام حاجة اخيرة للكتابة.
KEEP IT SIMPLE الموضوع بسيط متعقدش الموضوع علي نفسك. مش لازم تجيب افكار من اللي محصلتش افكار بسيطة
ساذجة بس لها علاقة بالموضوع وتقدر تطورها. متزودش اوي في الكتابة عن 250 مش هتاخد درجات زيادة خليها 270-280.
أخيرا كلام عام عن
الامتحان.
IDP ولا BC غالبا
مش هتفرق.
محدش بيضحك عليك عشان ياخد فلوس.
ايلتس امتحان انجليزي مش امتحان ل IQ ولا
مدي عبقرية افكارك.
المهارات الاربعة بتكمل بعض تلقائيا وانت بتطور من واحدة فيهم بتلاقيها بتفيدك في
المهارات التانية.
Materials :
اخدت كورس مع ميس سارة في Writing and Speaking
كورس IELTS Band 7+ Preparation Course علي Udemyكويس جدا خصوصا في Reading and Listening .
كورس Mastering IELTS Writing: Task 2 (Achieve
Band 7+ in 5 Hour علي Udemy كورس ممتاز ممتاز ممتاز.
كورس Mastering IELTS Writing: Task 2 (Band 9
Model Answers) علي Udemy ممتاز كذلك.
كورس Mastering IELTS Speaking: The Express Courseعلي Udemy ممتاز.
كتب Cambridge لا غني عنها.
كتب Barron’s الكورسات اللي فوق تغني عنها.
وبالتوفيق للجميع واسف علي الاطالة و تحت امركم في اي استفسار.